رساله من أختي

هذه رساله من أختي أرسلتها عبر الإميل وياااااااربيا نفس حرام عليكي كفاية ذنوب
ويا قلبي يلا قوام بسرعة توب

خلي الموت دايما قدام عينيك
و الله العمر بسرعة هيجري بيك

سرحت مع نفسي ف الموت شوية
وقلت اللحظة دي جاية جاية

فجأة لقيت روحي طالعة مني
وكل الناس كانت حوليا

حتي كمان كل اصحابي
بيصرخو وبينادو عليا

انا والله سامعكم وبرد عليكم
مش عارف ليه صوتي مش واصل ليكم

و قلت بصوتي العالي
انا هنا يا جماعة وسطيكم

و جريت بكل سرعتي عليهم
بس عديت زي الهوا من بين ايديهم

عرفت ساعتها اني خلاص
انتهت حياتي بين الناس

وبسرعة جابو الشيوخ وبالمية غسلوني
ومفيش ثواني و بالكفن كفنوني

وعلي الخشبة حطوني
ونادو اربعة علشان يشيلوني

ماشيين بيا بسرعة ولا القطر
علشان يلحقو يصلو عليا بعد الظهر

و بعد الصلاة شالوني تاني علي الاكتاف
علشان يودوني القبر ال منه كنت بخاف

وكل اصحابي و حبايبي ماشيين ورايا
بس بعد شوية هيسبوني و محدش هيكون معايا

وصلنا خلاص للقبر قوام
و في اللحظة دي سكت الكلام

كل الناس كانت بتودعني
وانا بنادي عليهم بس مين يسمعني

و شايف امي واقفة معاهم
بتبكي و بكاها ويا بكاهم

يا امي حرام عليكي متبكيش
والله الدموع مهترجعنيش

و يا اهلي و اصحابي متنسونيش
واوعو تبكوا عمر الدموع ما هتخليني اعيش

خلاص جت اللحظة وف قبري نزلوني
فكو الكفن شوية و بالتراب دفنوني

و قالو يا رب يا كريم برحمتك
أدخل عبدك باذنك جنتك

وخلاص سبتك يا دنيا في ثانية
و فهمت قوي معني كلمة الدنيا فانية

وانت دورك هييجي هييجي
وتقول منفعنيش استهتاري و تهريجي

وكمان انت كدة كدة هتموت
يلا اعمل حاجة قبل العمر بيك ما يفوت

علشان متجيش يوم القيامة
و تقول يارتني ما مشيتشي في سكة الندامة

يوم ميغيرش فيه حاجة البكا
وتقول يارتني صليت و صمت و طلعت الزكا

كان كل همي تجميع الاموال
بأي طريقة ولو حتي نصب و احتيال

يارتني استفدت بوقتي و مضيعتوش في العدم
قول مهما تقول ساعتها مينفعش الندم

لسة قدامك الفرصة لو دلوقتي تبت
و بعدت عن الحرام وعن الكدب سكت

حتي لو كانت عندك جبال سيئات
برحمة الله و عفوه كلها تتقلب حسنات

و بعد ما خلصت كلامي بهديلك سلامي
و برجع افكرك ببداية كلامي

يا نفس حرام عليكي كفاية ذنوب
و يا قلبي يلا قوام بسرعة توب

خلي الموت دايما قدام عينيك
والله العمر بسرعة هيجري بيك تنال إعجابكم وإن شاء الله هتعجبك علي بركه الله نبدء..

**اللهم مصرف القلوب صرف قلوبنا على طاعتك.

**اللهم اني أعوذ بك من العجز،والكسل ،والجبن ،والهرم، و أعوذ بك من عذاب القبر،وأعوذ بك من فتنة المحيا والممات.

**اللهم اني أعوذ بك من الكسل ،و الهرم ،و المأثم ، والمغرم،ومن فتنة القبر،وعذاب القبر،وفتنة النار،وعذاب النار،ومن شر فتنة الغنى،وأعوذ بك من فتنة الفقر، وأعوذ بك
من فتنة المسيح الدجال ،اللهم أغسل عني خطاياي بماء الثلج والبرد ،ونق قلبي من الخطايا كما نقيت الثوب الأبيض من الدنس ،وباعد بيني وبين خطاياي كما باعدت بين المشرق والمغرب.

والله هذه الرساله وصلتني أختي ندي وهي تهديها الي جميع الإخوه بالمنتدي يااااااارب تنال إعجابكم

السلام عليكم رسالة معبرة وطيبة واكيد من اخت اطيب واروع